Eslatma: " Sayt beta rejimida ishga tushirildi. Saytdan foydalanish paytida xatoliklar yuzaga kelishi mumkin. "

Avtomobillarning orqa yon oynasini tonirovka qilish narxi ikki baravar arzonlashtirildi

09-10-2020 3171

Hukumatning tegishli qarori bilan, tusi o‘zgartirilgan (qoraytirilgan) oynali avtotransport vositalaridan foydalanishni tartibga solish bo‘yicha ayrim o‘zgarishlar kiritildi.
Jumladan, M1, N1 va N2 toifaga oid avtotransport vositalari orqa yon oynalarining tusini o‘zgartirishga (qoraytirishga) ruxsatnoma berish uchun to‘lov stavkalari jismoniy shaxslar uchun bazaviy hisoblash miqdorining 5 baravari (1 mln 115 ming so‘m) etib belgilandi. Bunga qadar ushbu miqdor BHMning 10 baravari (2 mln 230 ming so‘m) edi.
Yuridik shaxslarga orqa yon oynani qoraytirish uchun to‘lov miqdori o‘zgarmagan - BHMning 10 baravari (2 mln 230 ming so‘m).
Shuningdek, orqa va old yon oynalar bo‘yicha tusini o‘zgartirishning to‘lovi miqdori ham avvalgidek saqlanib qoldi, ya’ni jismoniy va yuridik shaxslar uchun BHMning 50 baravari (11 mln 150 ming so‘m) miqdorini tashkil etadi.