Eslatma: " Sayt beta rejimida ishga tushirildi. Saytdan foydalanish paytida xatoliklar yuzaga kelishi mumkin. "

Транспорт соҳаси кадрларини қайта тайёрлаш ва малакасини ошириш институти томонидан “В”, “C”, “В” ва “С” тоифага эга ҳайдовчилар “D” тоифага “экспресс” қайта тайёрлаш ўқув курсларида ўқитилмоқда

27-09-2023 159

Ўзбекистон Республикаси Президенти Ш.М. Мирзиёевнинг 2022 йил 13 декабрь куни Тошкент шаҳрининг Учтепа туманига ташрифи давомида ўтказилган тақдимотлар жараёнида ва Президентимиз раҳбарлигида кенгайтирилган тарзда ўтказилган 78-сонли йиғилиш баёнида берилган топшириқлар, шунингдек, Ўзбекистон Республикаси Президентининг
2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги ПҚ-59-сон қарори ижроси юзасидан ваколатли орган Ўзбекистон Республикаси Ички ишлар вазирлиги томонидан тасдиқланган ўқув дастури асосида Транспорт соҳаси кадрларини қайта тайёрлаш ва малакасини ошириш институтида “В”, “C”, “В” ва “С” тоифага эга ҳайдовчиларни Транспорт вазирлигининг ҳудудий бошқармалари тавсияномаларига кўра 4 ҳафталик мақсадли “D” тоифага “экспресс” қайта тайёрлаш ўқув курслари ташкил этилмоқда.

“D” тоифаси бўйича “экспресс” қайта тайёрлаш ўқув курси тингловчилари гуруҳи рўйхати белгиланган тартибда Ички ишлар вазирлиги Жамоат хавфсизлиги департаменти йўл ҳаракати хавфсизлиги хизмати томонидан рўйхатдан ўтказилмоқда.

 “D” тоифа бўйича “экспресс” ўқув курсини тугатган, амалий ва назарий имтиҳонларни ижобий топширган, “D” тоифадаги транспорт воситасини бошқариш бўйича 3 йил стажга эга бўлмаган ҳайдовчиларни, истисно тариқасида, шаҳар, шаҳар атрофидаги, шаҳарлараро ва халқаро йўналишда қатнайдиган автобус ва микроавтобусларни бошқариш учун ишга қабул қилиниши борасида “Тошшаҳартрансхизмат” АЖ билан ҳамкорлик йўлга қуйилган.

Шунингдек, “D” тоифаси бўйича “экспресс” ўқув курсини тугатган, амалий ва назарий имтиҳонларни ижобий топширган ҳайдовчиларни, истисно тариқасида, “Тошшаҳартрансхизмат” АЖга шартнома асосида ишга қабул қилиниши ҳақида тарғибот тушунтириш ишлари олиб борилмоқда.